Banner

غزل : سيد جيلاني جلان

06.12.2011 10:24

غزل 

د ستا په شان نه یم منم د ګل په رنګ هم نه یم
خو دا به هم منې اشنا چې ډیر بدرنګ هم نه یم

... لکه پښتون ولاړ پر برید د ناقراره ژوند یم
سوله مې هم زړه نه مني راضي په جنګ هم نه یم

یو څوک خوشته چې مې په ستړي وخت کې مخ وراوړي
شکور د اوسپنې په شان خاورو کې زنګ هم نه یم

چې ته مې زړه کې ژوندی ساتې لکه بله ډیوه
زه به دې هیر کړم؟ نه قربان دومره بې ننګ هم نه یم

د خلکو مینه ده ،دنګ خیال مې بولي دنګ مې بولي
ګنې جلانه زه خو خاورې یمه دنګ هم نه یم

سیدجیلاني جلان .
کابل ژوندون راډیو تلویزیون

مطیع الله((حقمل)) 06.03.2012 10:59

وه جلان صیب څومره خونده ور غزل دی له خونده ور غزل څخه دی یوه نړۍ مننه

مطیع الله((حقمل)) 06.03.2012 10:59

وه جلان صیب څومره خونده ور غزل دی له خونده ور غزل څخه دی یوه نړۍ مننه

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.